سياسة الاحتفاظ بالبيانات
سارية من 25 أكتوبر 2026 · آخر تحديث 31 أكتوبر 2026 (بيانات المنشأة المشغّلة)
1. طول ما الحساب شغال
بنحتفظ بكل اللي المحل بيدخله طول ما الحساب مستخدم.
2. بعد ما الاشتراك أو التجربة تخلص
البيانات بتفضل للقراءة فقط عشان صاحب المحل ينزّلها أو يرجع. بعد حوالي 11 شهر (335 يوم) من انتهاء وصول المحل، لو مادفعش من ساعتها، بنبعت لصاحب المحل إيميل إن البيانات هتتمسح بعد 30 يوم. لو لسه مادفعش، بنمسح البيانات الشخصية للمحل: أسماء وتليفونات وإيميلات وعناوين ومقاسات وملاحظات عملائه وفريقه ومورديه، وصوره وملفاته ورسايله، وبيانات حسابات السحب البنكية. المحل بيتقفل وأرقام التليفونات بتبقى متاحة لغيره. الأرقام بتفضل من غير بيانات شخصية: الفواتير والمدفوعات والاستردادات وحركة المحفظة وحركة المخزون وسجل الإجراءات. قانون الضرائب المصري بيتطلب الاحتفاظ بالسجلات المالية خمس سنين.
3. المسح بدري، بطلب
صاحب المحل يقدر يطلب من الدعم مسح المحل في أي وقت. بنتأكد من الطلب معاه، ونطلب منه يسحب رصيد محفظته ويخلّص أي سحب مفتوح، وبنمسح خلال 30 يوم. المحلات التجريبية مابتتمسحش بالطريقة دي.
4. النسخ الاحتياطية
نسخ قاعدة البيانات: النسخ كل ساعة بتتحفظ يومين، واليومية 30 يوم، ونسخ قبل كل تحديث 30 يوم، والشهرية 6 شهور. إعدادات السيرفر 90 يوم. نسخ الملفات المرفوعة: الملف اللي اتمسح من السيرفر بيخرج من النسخ في أول تنظيف شهري بعد ما يعدّي عليه 35 يوم، يعني خلال شهرين تقريباً. يعني البيانات الممسوحة بتختفي من كل النسخ خلال 6 شهور. النسخ مشفّرة ومحمية من المسح المبكر.
5. سجلات الدخول
الأكواد المطلوبة وأحداث الدخول بتتمسح بعد 12 شهر. سجل الإجراءات بيفضل مع الحساب، وعناوين الـ IP اللي فيه بتتشال لما المحل يتمسح.
6. أجهزة الكمبيوتر في المحل
برنامج ويندوز بيحتفظ بنسخة مشفّرة من بيانات شغل المحل على الجهاز، وبتفضل لحد ما البرنامج يتشال؛ والجهاز اللي اتفك ربطه أو اللي محله اتمسح مابيقدرش يوصل للحساب تاني.
7. عملاء المحل
العميل اللي عايز بياناته تتمسح يطلب من المحل؛ والمحل يقدر يمسح أو يصحّح بياناته من لوحة التحكم.
المعلومات القانونية
مناسبة منصة مملوكة وتُدار بواسطة منشأة «هاي ستيل» — منشأة فردية لصاحبها احمد مجدي عبدالظاهر حسن عبدالله. سجل تجاري رقم 58636 (مكتب السجل التجاري بطنطا)، رقم التسجيل الضريبي 779-642-465. عنوان المنشأة: قحافة بجوار مقابر الغفران، طنطا، الغربية، مصر. البريد الإلكتروني: support@monaasba.com، واتساب +20 111 064 4592.