الاشتراكات والرسوم وفترة السماح
سارية من 25 أكتوبر 2026 · آخر تحديث 31 أكتوبر 2026 (بيانات المنشأة المشغّلة)
1. الباقات
الأسعار بالجنيه المصري، شهري / سنوي (السنة بتمن عشر شهور): سولو: 390 / 3,900 (شخص واحد وفرع واحد، من غير موقع ولا دفع أونلاين) ستارتر: 690 / 6,900 جروث: 1,390 / 13,900 برو: 2,490 / 24,900 كل باقة فيها إيه موجود في صفحة الأسعار. لو فيه ضريبة قيمة مضافة بتظهر في الفاتورة قبل الدفع.
2. دفع الباقة
مفيش تجديد تلقائي: إنت بتدفع كل فترة بنفسك، وبنفكّرك قبل ما تخلص بـ 5 أيام. طرق الدفع: كارت أو محفظة موبايل أو إنستاباي عن طريق Paymob؛ أو تحويل بنكي أو إنستاباي لحساب مناسبة مع صورة الإيصال، وفريقنا بيراجعها قبل ما الفترة تبدأ؛ أو من رصيد محفظتك على مناسبة. الدفع بالكارت أو المحفظة أو إنستاباي أو التحويل عليه رسوم قد تكلفة شركة الدفع (2.75% + 3 جنيه، و14% ضريبة قيمة مضافة على المبلغ ده)، وبتظهر قبل ما تدفع. الدفع من رصيد المحفظة مالوش رسوم.
3. الرسوم على الفلوس اللي بتتحصّل للمحل
على أي دفعة بالكارت أو المحفظة من عميل المحل: شركة الدفع (Paymob): 2.75% + 3 جنيه، و14% ضريبة قيمة مضافة على المبلغ ده. مناسبة: 2% + 3 جنيه (باقة برو: 1.5% + 3 جنيه)، محسوبة على قيمة الفاتورة قبل أي خصم. المحل بيشوفهم مع بعض باسم «رسوم مناسبة». مثال: دفعة 1,000 جنيه رسومها 34.77 + 23.00 = 57.77 جنيه، ويوصل لمحفظة المحل 942.23 جنيه. المحل يقدر يخلّي العميل هو اللي يدفع الرسوم دي؛ والعميل بيشوف الإجمالي قبل ما يدفع. السحب من المحفظة: 1% + 5 جنيه، بحد أقصى 25 جنيه للسحبة. طلبات موقع المحل اللي مش مدفوعة أونلاين: مالهاش رسوم حالياً. الرسوم دي على المدفوعات من 25 أكتوبر 2026؛ المدفوعات اللي قبل كده بتفضل بالرسوم اللي كانت سارية وقتها.
4. الفترة التجريبية
7 أيام، مرة واحدة لكل محل. لو خلصت من غير باقة مدفوعة، الحساب بيبقى للقراءة فقط على طول.
5. فترة السماح
المحل اللي دفع فترة واحدة على الأقل ليه 14 يوم سماح على مدار عمر حسابه كله. لما فترة مدفوعة تخلص من غير دفع، الحساب بيفضل شغال عادي وبيستهلك الأيام دي يوم بيوم. الأيام مابترجعش لما تدفع. ولما تخلص، أي فترة تنتهي من غير دفع بتخلّي الحساب للقراءة فقط على طول. مناسبة ممكن تدّي أيام زيادة في حالة معينة.
6. الحساب للقراءة فقط
تقدر تدخل وتشوف كل حاجة وتنزّل بياناتك وتدفع لمناسبة وتسحب رصيد محفظتك. ماتقدرش تضيف أو تعدّل سجلات؛ موقعك بيوقف استقبال طلبات وحجوزات جديدة؛ أجهزة الكمبيوتر في المحل بتحتفظ بالشغل اللي اتسجّل قبل ما الحساب يتقفل وبترفض اللي اتسجّل بعده. أول ما تدفع كل حاجة بترجع على طول.
7. تغيير الباقة أو الإيقاف
لتغيير الباقة اختارها وإنت بتدفع الفترة الجاية أو كلّم الدعم. للإيقاف ماتجدّدش؛ الحساب بيبقى للقراءة فقط وسياسة الاحتفاظ بالبيانات بتنطبق.
8. تغيير الأسعار
أي زيادة في سعر أو رسوم بتتعلن قبلها بـ 30 يوم على الأقل وبتسري من أول فترة تتدفع بعد التاريخ ده. التخفيض ممكن يسري على طول.
المعلومات القانونية
مناسبة منصة مملوكة وتُدار بواسطة منشأة «هاي ستيل» — منشأة فردية لصاحبها احمد مجدي عبدالظاهر حسن عبدالله. سجل تجاري رقم 58636 (مكتب السجل التجاري بطنطا)، رقم التسجيل الضريبي 779-642-465. عنوان المنشأة: قحافة بجوار مقابر الغفران، طنطا، الغربية، مصر. البريد الإلكتروني: support@monaasba.com، واتساب +20 111 064 4592.